7
واشنگٹن ( مانیٹرنگ ڈیسک) امریکی میڈیا کے مطابق 65 ہزار سے زائد ملازمین نے سرکاری ملازمتیں چھوڑنے کی خواہش ظاہر کی ہے، اور یہ تعداد روز بروز بڑھ رہی ہے۔امریکا میں فوج اور پوسٹل سروس کے علاوہ 23 لاکھ وفاقی ملازمین ہیں، جن میں سے تقریبا 3 فیصد نے اپنی نوکریاں چھوڑنے کا ارادہ ظاہر کیا ہے۔حکومتی استعداد سے متعلق محکمے کے سربراہ ایلون مسک نے تخمینہ لگایا تھا کہ 5 سے 10 فیصد سرکاری ملازمین اپنی نوکریاں چھوڑ دیں گے۔ٹرمپ حکومت نے مراعات کے بدلے نوکری چھوڑنے کی ڈیڈلائن پیر تک بڑھائی تھی، تاہم امریکی عدالت کے جج نے ملازمین کو مراعات دے کر برخاست کرنے کے پروگرام پر عمل درآمد روک دیا ہے۔میساچوسٹس کے جج نے صدر ڈونلڈ ٹرمپ کے اقدام پر عمل کو قانونی حیثیت کے تعین تک روک دیا ہے۔
