گوئٹے مالا، مسافروں سے بھری بس پل سے نیچے جا گری، 50 افراد ہلاک

گوئٹے مالا سٹی( مانیٹرنگ ڈیسک)گوئٹے مالا شہر میں ایک بس ہائی وے پل سے گندے نالے میں جا گری، جس کے نتیجے میں کم از کم 50 افراد ہلاک ہو گئے۔مسافروں سے بھری بس سان اگسٹن اکاساگوسٹلان شہر سے دارالحکومت کی جانب جا رہی تھی کہ یہ ایک ہائی وے پل پونٹے بیلس سے تقریبا 20 میٹر نیچے گندے نالے میں گر گئی۔ترجمان کارلوس ہرنینڈز نے بتایا کہ 36 مردوں اور 15 خواتین کی لاشوں کو مردہ خانے منتقل کیا گیا ہے، جبکہ ریسکیو حکام نے 20 زخمیوں کو اسپتال پہنچایا۔ پولیس نے حادثے کی تحقیقات کا آغاز کر دیا ہے۔گوئٹے مالا کے صدر برنارڈو اریوالو نے تین روزہ قومی سوگ کا اعلان کرتے ہوئے ملک کی فوج اور ڈیزاسٹر ایجنسی کو امدادی کارروائیوں میں مدد کی ہدایت کی ہے۔