زرمبادلہ کی دونوں مارکیٹوں میں آج ڈالر کتنا مہنگا

کراچی ( کامرس ڈیسک)عالمی تحقیقی ادارے ٹریس مارک نے فروری میں ڈالر کے انٹربینک ریٹ کو 280 روپے پر آنے کی پیشگوئی کی ہے، جس کے بعد زرمبادلہ کی طلب میں اضافے اور غیر ملکی سرمایہ کاروں کے مارکیٹ ٹریژری بلوں سے سرمایہ نکالنے کے سبب، پیر کو بھی ڈالر کی قیمت میں اضافہ دیکھا گیا۔زرعی آمدن پر ٹیکس عائد کرنے کی شرط پوری ہونے کے بعد آئی ایم ایف سے اگلی قسط کی راہ ہموار ہونے جیسے عوامل کے باوجود، انٹربینک مارکیٹ میں کاروباری دورانیے کے دوران ڈالر کی قیمت میں 07 پیسے کی کمی دیکھنے کو ملی، جس کے بعد ڈالر 278 روپے 97 پیسے تک پہنچ گیا۔ تاہم، بیرونی ادائیگیوں کے دباو اور زرمبادلہ کے سرکاری ذخائر میں کمی کے باعث ڈالر کی سپلائی متاثر رہی، جس کے سبب کاروبار کے وسط میں ڈالر کی قیمت میں دوبارہ اضافہ ہوا اور کاروبار کے اختتام پر ڈالر 17 پیسے کے اضافے سے 279 روپے 21 پیسے کی سطح پر بند ہوا۔اوپن کرنسی مارکیٹ میں بھی ڈالر کی قیمت 15 پیسے کے اضافے کے ساتھ 280 روپے 99 پیسے تک پہنچ گئی۔