موسمی سبزیاں، امراض سے بچاؤ کا بہترین ذریعہ

کراچی ( ہیلتھ ڈیسک)سبزیاں صحت کے لیے اللہ کی ایک بڑی نعمت ہیں اور پاکستان میں مختلف موسموں کے مطابق سبزیاں دستیاب ہیں۔ ان سبزیوں میں وٹامنز، معدنیات، فائبر اور دیگر غذائی اجزا ہوتے ہیں جو صحت کی بہتری کے لیے اہم ہیں۔ سبزیوں کا استعمال تندرستی کے لیے ضروری ہے اور بیماریوں کے دوران بھی ان کا استعمال خاص طور پر فائدہ مند ہے۔ سبزیاں کچی بھی کھائی جا سکتی ہیں اور پکا کر بھی۔چند مشہور سبزیوں کے فوائد:پالک:فولاد، نمکیات، اور وٹامنز سے بھرپور ہوتی ہے۔خون کو صاف کرتی ہے اور فالج کے مریضوں کے لیے فائدہ مند ہے۔یرقان، بلڈ پریشر، اور بالوں کے مسائل میں مفید ہے۔مولی:وٹامن A، B، C اور E سے مالا مال۔گرتے بالوں کو روکنے، معدے کی کمزوری، بواسیر اور پتھری کے علاج کے لیے مفید۔یرقان، گلے کے درد اور کھانسی کے لیے بھی کارگر ہے۔گاجر:وٹامن A کا خزانہ، نظر تیز کرتی ہے اور جگر کے افعال درست رکھتی ہے۔روزانہ گاجر کا جوس پینے سے صحت میں بہتری آتی ہے اور چہرہ شاداب رہتا ہے۔شلجم:کیلشیم، فاسفورس، وٹامن C سے بھرپور۔نظر تیز کرتا ہے اور قوت مدافعت بڑھاتا ہے۔بچوں کے لیے مفید اور ہڈیوں کی مضبوطی کے لیے بہترین۔بینگن:پروٹین، کیلشیم، فاسفورس اور فولاد کی اچھی مقدار۔بواسیر کے مسوں کے لیے مفید اور رمضان میں افطاری کے وقت کھانے کے لیے بہترین۔بند گوبھی:کینسر سے بچاو کے لیے مفید۔ذیابیطس اور معدے کے السر کے علاج میں مددگار۔ٹماٹر:وٹامن A، B، C سے بھرپور۔پروٹین اور معدنیات کا اچھا ذریعہ۔یرقان، موٹاپا اور قوت مدافعت بڑھانے کے لیے فائدہ مند۔مٹر:خون کی کمی دور کرتا ہے اور پٹھوں کو تقویت دیتا ہے۔پروٹین، وٹامنز اور فاسفورس سے بھرپور۔پھلی لوبیا:نشاستہ، پروٹین، فولاد اور وٹامنز کا اچھا ذریعہ۔ماہواری کے مسائل اور گردے کے درد کے علاج میں مفید۔میتھی کا ساگ:دودھ کی کمی کو پورا کرتا ہے اور شوگر کے مریضوں کے لیے مفید۔کھانسی، زکام اور رعشہ کے مریضوں کے لیے بھی فائدہ مند۔ساگ سرسوں:پروٹین، فولاد، کیلشیم، وٹامن A، B اور C سے بھرپور۔طاقت بڑھاتا ہے، معدے اور جگر کو مضبوط کرتا ہے، اور جلدی امراض میں مفید۔کھیرا:کھانے سے بھوک بڑھاتا ہے اور پتہ کی پتھری کے درد میں مفید۔سبزیوں کا روزانہ استعمال نہ صرف آپ کی صحت کو بہتر بناتا ہے بلکہ یہ آپ کے جسم میں توانائی کی سطح کو بھی بڑھاتا ہے اور بیماریوں سے بچا میں مددگار ثابت ہوتا ہے۔