محکمہ موسمیات نے لاہور سمیت پنجاب بھر میں بارشوں کی نوید سنا دی

لاہور( اباسین خبر)نیا سال شروع ہوتے ہی محکمہ موسمیات نے لاہور سمیت پنجاب کے مختلف اضلاع میں بارشوں کی پیشگوئی کی ہے۔محکمہ موسمیات کے مطابق آج سے 6 جنوری تک لاہور اور پنجاب کے دیگر اضلاع میں بارشوں کا امکان ہے، اور ہوا میں نمی کا تناسب 94 فیصد تک جانے کی توقع ہے۔لاہور میں آلودگی کے حوالے سے صورتحال تشویشناک ہے، جہاں شہر کی سموگ کی اوسط شرح 219 ریکارڈ کی گئی ہے، اور لاہور پاکستان کے آلودہ ترین شہروں میں تیسرا نمبر پر ہے۔صوبائی دارالحکومت لاہور میں سال کا پہلا دن سرد ہے، اور شہر کا موجودہ درجہ حرارت 9 ڈگری سینٹی گریڈ ریکارڈ کیا گیا ہے۔ کم سے کم درجہ حرارت 8 ڈگری سینٹی گریڈ تک جا سکتا ہے، جبکہ زیادہ سے زیادہ درجہ حرارت 18 ڈگری سینٹی گریڈ تک جانے کا امکان ہے۔محکمہ موسمیات کے اعداد و شمار کے مطابق لاہور میں ہوا کی رفتار 5 کلو میٹر فی گھنٹہ ریکارڈ کی گئی ہے۔