موسم سرما کی چھٹیاں ختم، سندھ میں تعلیمی ادارے کھل گئے

کراچی( اباسین خبر)سندھ میں موسم سرما کی تعطیلات کے بعد تمام تعلیمی ادارے یکم جنوری 2025 سے کھل گئے ہیں۔ محکمہ تعلیم سندھ کے ترجمان نے بتایا کہ 31 دسمبر 2024 کو موسم سرما کی تعطیلات کے اختتام کے بعد سکول آج معمول کے مطابق کھلے ہیں۔ترجمان کے مطابق تمام نجی و سرکاری تعلیمی اداروں میں تدریسی عمل بحال ہو چکا ہے۔ واضح رہے کہ محکمہ تعلیم سندھ نے 21 دسمبر سے 31 دسمبر تک تعلیمی اداروں میں موسم سرما کی تعطیلات کا اعلان کیا تھا۔