کویت میں پہلی بار 7000 سال پرانا خلائی مخلوق نما پُتلا دریافت

کویت( مانیٹرنگ ڈیسک)کویت میں ماہرین آثار قدیمہ نے ایک 7,000 سال پرانا مٹی کا چھوٹا سا پتلا دریافت کیا ہے جو جدید دور کی خلائی مخلوق سے مشابہت رکھتا ہے۔ یہ پتلا، جو انسانی شکل سے کم اور مافوق الفطرت نظر آتا ہے، قدیم میسوپوٹیمیا میں عام تھا، لیکن اس کی نوعیت کا یہ پہلا پتلا ہے جو کویت یا خلیج عرب میں دریافت ہوا ہے۔یہ پتلا بحرہ 1 کی کھدائی کے دوران ملا، جس کی آنکھیں ترچھی، ناک چپٹی اور کھوپڑی لمبی ہے، جو انتہائی باریک بینی سے تیار کی گئی ہے۔ بحرہ 1 شمالی کویت میں ایک اہم آثار قدیمہ کی سائٹ ہے جہاں کویت اور پولینڈ کی مشترکہ ٹیم 2009 سے کھدائی کر رہی ہے۔بحرہ 1 سائٹ جزیرہ نما عرب کی قدیم ترین بستیوں میں سے ایک تھی، جہاں 5500 سے 4900 قبل مسیح تک آبادکاری شروع ہوئی۔ اس دوران، عبید نامی ثقافت بحرہ 1 میں آباد ہوئی جو میسوپوٹیمیا سے آئی تھی اور اپنے مخصوص مٹی کے برتنوں کے لیے جانی جاتی تھی، جس میں خلائی مخلوق جیسے مجسمے بھی شامل تھے۔