توند کی چربی گھلانے کے لیے ہر ہفتے کتنی ورزش کرنی چاہیے؟

لندن ( ہیلتھ ڈیسک)پیٹ اور کمر کے گرد جمع ہونے والی چربی کو ورسیکل فیٹ کہا جاتا ہے، جو جسم کی سب سے خطرناک چربی کی قسم مانی جاتی ہے کیونکہ یہ اہم اعضا کو ڈھانپ لیتی ہے اور اس کے نتیجے میں امراض قلب، ذیابیطس اور دیگر سنگین طبی مسائل کا خطرہ بڑھ جاتا ہے۔ورسیکل فیٹ کو کم کرنا آسان نہیں ہوتا اور اکثر افراد کو یہ نہیں معلوم ہوتا کہ کتنی ورزش کرنی چاہیے تاکہ اس چربی میں کمی آ سکے۔ تاہم، خوشخبری یہ ہے کہ ہفتے میں ایک یا دو دن ورزش کرنے سے بھی توند کی چربی اور جسمانی وزن میں کمی لائی جا سکتی ہے۔ایک تحقیق، جو جرنل اوبیسٹی میں شائع ہوئی، میں یہ بات سامنے آئی کہ ویک اینڈ وارئیرز (یعنی وہ لوگ جو ہفتے میں ایک یا دو دن ورزش کرتے ہیں) کے جسمانی وزن میں اتنی ہی کمی آتی ہے جتنی کہ روزانہ ورزش کرنے سے۔ اس تحقیق کے مطابق، ایک یا دو دن کی ورزش کرنے سے بھی جسمانی وزن اور چربی میں کمی ممکن ہے، جو روزانہ ورزش کرنے کے فائدے کے برابر ہو سکتی ہے۔یہ نتائج اس بات کو ثابت کرتے ہیں کہ متواتر اور پائیدار ورزش، چاہے وہ ہفتے میں ایک یا دو دن کی ہو، بھی وزن کم کرنے اور توند کی چربی کو کم کرنے میں مددگار ثابت ہو سکتی ہے۔