گوگل کا حیرت انگیز اور جدید ویڈیو جنریٹر ٹول متعارف

کیلیفورنیا( مانیٹرنگ ڈیسک)گوگل نے نیا ویو ٹو ویڈیو اے آئی جنریٹر متعارف کرایاگوگل نے اپنے جدید ویڈیو جنریٹر ٹول “ویو ٹو ویڈیو” کو متعارف کرایا ہے، جو اوپن اے آئی کے “سورا” جیسے حریفوں کا مقابلہ کرے گا۔ کمپنی کا دعوی ہے کہ یہ ماڈل ویو اے آئی کا جانشین ہے اور 4,000 تک اعلی معیار کی ویڈیوز تخلیق کرنے کی صلاحیت رکھتا ہے، جو موجودہ اے آئی ویڈیو جنریٹر پلیٹ فارمز سے کہیں بہتر ہیں۔گوگل کے مطابق، ویو ٹو ویڈیو میں جانوروں، کھانوں اور انسانوں کی 8 سیکنڈ کی حقیقت پسندانہ ویڈیوز تخلیق کرنے کی صلاحیت موجود ہے، جو مووی معیار میں انتہائی متاثر کن ہیں۔ تاہم، کمپلیکس موشن اور مناظر میں مستقل مزاجی کو برقرار رکھنا ابھی بھی ایک چیلنج ہے۔اس کے علاوہ، گوگل نے “ایمیجن 3” اور “وسک” جیسے نئے ماڈلز بھی متعارف کرائے ہیں۔ ایمیجن 3 میں حقیقت کے قریب تر تصاویر بنانے کی صلاحیت ہے، جو فوٹو رئیلزم، امپریشنزم، اینیمیشن اور تجریدی انداز میں تخلیق فراہم کرتا ہے۔”وسک” ماڈل میں الفاظ کے بجائے تصاویر کو استعمال کر کے نئی تخلیقات کی جا سکتی ہیں، جہاں آپ مختلف تصاویر کے امتزاج سے نئی تصویر تخلیق کر سکتے ہیں۔ یہ ماڈل تصاویر کی خودکار کیپشننگ بھی کرتا ہے، جسے ایمیجن 3 میں استعمال کیا جا سکتا ہے تاکہ تخلیقی مواد تیار کیا جا سکے۔گوگل کے ان نئے ماڈلز نے آرٹیفیشل انٹیلی جینس (اے آئی) کی تخلیقی صلاحیتوں میں نئے سنگ میل قائم کر دیے ہیں اور یہ جدید ٹیکنالوجی کی اعلی مثالیں ہیں۔