کراچی: سی ویو کے سامنے سروس روڈ پر پاکستان ریفائنری کی لائن پھٹ گئی

کراچی( اباسین خبر)کراچی میں سی ویو کے سامنے سروس روڈ پر پاکستان ریفائنری کی پائپ لائن پھٹ گئی۔ذرائع کے مطابق، فرنس آئل سروس روڈ اور رہائشی عمارت تک پھیل گیا، جس کے باعث متاثرہ سروس روڈ کو سیل کر دیا گیا۔متاثرہ لائن سے فرنس تیل بہنے کی اطلاع ملنے پر آئل کی پمپنگ روک دی گئی۔حکام پاک ریفائنری کا کہنا ہے کہ سی ویو سروس روڈ پر لیکیج کی مرمت کے لیے ٹیم روانہ کر دی گئی ہے اور معاملے کی تحقیقات کا آغاز بھی کر دیا گیا ہے۔