گوجرانوالہ میں ‘ کھیلتا پنجاب گیمز’ کے انٹر ڈسٹرکٹ مقابلوں کا آغاز

گوجرانوالہ( سپورٹس ڈیسک)محکمہ سپورٹس کے زیراہتمام گوجرانوالہ میں “کھیلتا پنجاب گیمز” کے انٹر ڈسٹرکٹ مقابلوں کا آغاز ہو گیا۔کمشنر گوجرانوالہ نوید حیدر شیرازی اور ڈپٹی کمشنر نوید احمد نے ان مقابلوں کا باقاعدہ افتتاح کیا۔ اس موقع پر 6 اضلاع کے کھلاڑیوں نے مختلف کھیلوں میں حصہ لیا، جن میں میٹ ریسلنگ، تائیکوانڈو، اور والی بال کے مقابلے شامل تھے۔میٹ ریسلنگ میں کھلاڑیوں نے ایک دوسرے کو چت کرنے کے لیے مختلف دا پیچ استعمال کیے، جبکہ تائیکوانڈو کے مقابلوں میں لڑکیوں نے بھی شاندار کارکردگی کا مظاہرہ کیا۔ ایونٹ کے انعقاد سے کھلاڑی بہت خوش نظر آئے۔ان مقابلوں میں تین ہزار سے زائد کھلاڑیوں پر مشتمل لڑکوں اور لڑکیوں کی ٹیموں کے درمیان 12 مختلف کھیلوں کے مقابلے ہوں گے۔ ڈویژنل سپورٹس آفیسر نے “کھیلتا پنجاب گیمز” کو ابھرتے ہوئے ٹیلنٹ کے لیے ایک خوش آئند اقدام قرار دیا ہے۔