سموگ کی شدت میں کمی، فضائی آلودگی کے اعتبار سے لاہور چوتھے نمبر پر چلا گیا

لاہور(اباسین خبر)سموگ کی شدت میں کمی آگئی، تاہم لاہور دنیا بھر کے آلودہ ترین شہروں میں چوتھے نمبر پر آ گیا۔باغوں کے شہر لاہور میں فضائی آلودگی کی مجموعی شرح 242 ریکارڈ کی گئی۔ لاہور کے علاقے ڈی ایچ اے کا ایئر کوالٹی انڈیکس (اے کیو آئی) 366 رہا، جبکہ غازی روڈ انٹرچینج کا اے کیو آئی 294 ریکارڈ کیا گیا۔محکمہ موسمیات کے مطابق لاہور کا آج کم سے کم درجہ حرارت 12 ڈگری سینٹی گریڈ جبکہ زیادہ سے زیادہ 25 ڈگری سینٹی گریڈ تک جانے کا امکان ہے۔