بلوچستان میں ایف سی بلوچستان (نارتھ) کی جانب فری میڈیکل کیمپ کا انعقاد

کوئٹہ ( اباسین خبر)ایف سی بلوچستان (نارتھ) کی جانب سے 1 تا 20 نومبر 2024 کے دوران بلوچستان کے دور دراز علاقوں میں 22 مفت طبی کیمپس کا انعقاد کیا گیا۔ ان میڈیکل کیمپس میں عورتوں اور بچوں سمیت 10,850 سے زائد مریضوں کو مفت طبی سہولتیں فراہم کی گئیں۔اس کے علاوہ، الشفا آئی ٹرسٹ اور ایس پی سی بی کے باہمی اشتراک سے ڈھاڈر، مچھ، کوئٹہ اور ڈیرہ بگٹی میں 4 مفت آئی کیمپس کا بھی انعقاد کیا گیا۔ایف سی بلوچستان نے بلوچستان کے علاقوں لہڑی، میوند، قلعہ سیف اللہ اور ژوب کے نواحی علاقوں میں عمائدین کے ساتھ جرگے بھی منعقد کیے، جہاں مقامی عمائدین نے دہشت گردی کے خلاف جنگ میں پاک فوج اور ایف سی بلوچستان کو اپنی بھرپور معاونت کا یقین دلایا۔