7
اسلام آباد( اباسین خبر)اسلام آباد ہائی کورٹ میں پی ٹی آئی کے بانی عمران خان سے ملاقاتوں کے حوالے سے عدالتی فیصلے پر عمل نہ کرنے پر توہینِ عدالت کی درخواست دائر کر دی گئی۔ پی ٹی آئی رہنما اور سینیٹ میں اپوزیشن لیڈر شبلی فراز نے سیکریٹری داخلہ پنجاب اور سپرنٹنڈنٹ جیل کے خلاف درخواست دائر کی۔درخواست میں کہا گیا کہ 24 مارچ کو لارجر بینچ نے عمران خان سے ملاقاتوں کا فیصلہ کیا تھا، جس میں کہا گیا تھا کہ منگل اور جمعرات کو ملاقات کرانا ضروری ہے۔ تاہم، جیل حکام نے اس فیصلے پر عمل درآمد نہیں کیا۔ شبلی فراز نے عدالت سے جیل حکام کے خلاف توہینِ عدالت کی کارروائی کی درخواست کی ہے۔
