1
اسلام آباد( اباسین خبر)آڈیو لیک کیس میں وزیراعلی خیبرپختونخوا علی امین گنڈاپور کے ناقابل ضمانت وارنٹ گرفتاری برقرار ہیں۔ڈسٹرکٹ اینڈ سیشن کورٹس اسلام آباد میں علی امین گنڈاپور کے خلاف آڈیو لیک کیس کی سماعت ایڈیشنل سیشن جج عبدالغفور کاکڑ کی عدم دستیابی کے باعث بغیر کارروائی کے ملتوی کر دی گئی۔ علی امین گنڈاپور آج بھی عدالت میں پیش نہیں ہوئے، اور ان کے وکیل بھی عدالت میں حاضر نہ ہوئے۔مقدمے کے شریک ملزم اسد فاروق عدالت میں پیش ہوئے اور حاضری لگائی۔ عدالت نے علی امین گنڈاپور کے ناقابل ضمانت وارنٹ گرفتاری برقرار رکھنے کا فیصلہ کیا، اور آڈیو لیک کیس کی آئندہ سماعت 25 مارچ کو ہوگی۔واضح رہے کہ علی امین گنڈاپور کے خلاف تھانہ گولڑہ میں مقدمہ درج ہے۔
