ریکارڈ تیزی کو بریک لگ گئی، سونے کی قیمتوں میں کمی

کراچی(کامرس ڈیسک)عالمی مارکیٹ میں سونے کی قیمتوں میں کمی کے نتیجے میں پاکستان میں بھی سونے کے نرخوں میں کمی دیکھنے کو ملی۔بین الاقوامی سطح پر فی اونس سونے کی قیمت میں 28 ڈالر کی کمی آئی اور یہ 2893 ڈالر تک پہنچ گئی۔ اس کمی کا اثر پاکستان کی مارکیٹ پر بھی پڑا جہاں فی تولہ سونے کی قیمت میں 3 ہزار روپے کی کمی ہوئی جبکہ دس گرام سونے کی قیمت میں 2571 روپے کی کمی ریکارڈ کی گئی۔اس کمی کے باعث پاکستان کے صرافہ بازاروں میں فی تولہ سونا 3 لاکھ 4 ہزار روپے کا ہوگیا، جبکہ دس گرام سونے کی قیمت 2 لاکھ 60 ہزار 630 روپے ہوگئی۔