1
اسلام آباد( کامرس ڈیسک)اسٹیٹ بینک آف پاکستان کی جانب سے جاری کردہ ہفتہ وار اعدادوشمار کے مطابق گذشتہ ہفتے کے دوران زرمبادلہ کے سرکاری ذخائر میں 2 کروڑ 70 لاکھ ڈالر کا اضافہ ریکارڈ کیا گیا ہے۔ اس اضافے کے بعد مجموعی ذخائر کی مالیت 15 ارب 87 کروڑ 38 لاکھ ڈالر تک پہنچ گئی۔28 فروری کو ختم ہونے والے ہفتے کے دوران، سرکاری ذخائر میں 2 کروڑ 70 لاکھ ڈالر کا اضافہ ہوا جس کے بعد یہ ذخائر 11 ارب 24 کروڑ 95 لاکھ ڈالر کی سطح پر پہنچ گئے۔اس کے ساتھ ہی کمرشل بینکوں کے پاس 4 ارب 62 کروڑ 43 لاکھ ڈالر کے ذخائر موجود تھے، جس سے مجموعی طور پر زرمبادلہ کے ذخائر کی مالیت 15 ارب 87 کروڑ 38 لاکھ ڈالر تک پہنچ گئی۔
