1
گوجرانوالہ( اباسین خبر)لیبیا کشتی حادثے میں ملوث ریڈ بک کے انتہائی مطلوب انسانی سمگلر کو گرفتار کر لیا گیا۔ترجمان ایف آئی اے گوجرانوالہ کے مطابق، لیبیا کشتی حادثے میں ملوث ریڈ بک کے انتہائی مطلوب انسانی سمگلر کو گجرات سے گرفتار کیا گیا۔ ملزم کی شناخت محمد عثمان خان کے نام سے ہوئی ہے، جو سادہ لوح شہریوں کو سمندر کے راستے یورپ بھجوانے میں ملوث پایا گیا۔ترجمان کے مطابق، ملزم نے ایک شہری سے اٹلی بھجوانے کے بدلے 24 لاکھ روپے وصول کیے تھے اور اس شہری کو کشتی کے ذریعے لیبیا سے یورپ روانہ کیا تھا۔ یورپ سفر کے دوران مسافر کشتی کو حادثہ پیش آیا، تاہم متاثرہ شہری کو ریسکیو کر لیا گیا۔ ملزم کو گرفتار کر کے تفتیش کا آغاز کر دیا گیا ہے۔
