1
کوئٹہ( اباسین خبر)کوئٹہ میں گیس لیکیج کے باعث دھماکے میں خاتون سمیت 3 افراد جھلس کر زخمی ہوگئے۔ریسکیو ذرائع کے مطابق یہ دھماکا جوائنٹ روڈ پر واقع ایک گھر میں ہوا، جہاں گیس لیکیج کی وجہ سے دھماکا ہوا۔ ابتدائی اطلاعات کے مطابق دھماکا ریلوے ملازم محمد عمران کے کوارٹر میں ہوا۔ دھماکے کے نتیجے میں ریلوے کوارٹر کی دیواریں اور چھت منہدم ہوگئیں۔پولیس کے مطابق دھماکے میں ایک خاتون سمیت 3 افراد جھلس کر زخمی ہوئے، جنہیں فوری طور پر طبی امداد کے لیے ہسپتال منتقل کر دیا گیا۔ واقعے کی اطلاع ملتے ہی پولیس اور ریسکیو اداروں کی ٹیمیں موقع پر پہنچیں اور امدادی کارروائیاں شروع کیں۔
