کیلیفورنیا( مانیٹرنگ ڈیسک)ٹیکنالوجی کمپنی مائیکرو سافٹ بالآخر اپنی مشہور زمانہ ویڈیو ایپلی کیشن اسکائیپ بند کرنے جا رہی ہے۔اس ایپلی کیشن کو صارفین 20 برس سے زیادہ عرصے سے استعمال کر رہے ہیں اور ایک وقت ایسا تھا جب ویڈیو کال کے لیے یہ لازمی سمجھی جاتی تھی۔ تاہم گزشتہ چند برسوں میں واٹس ایپ، ایپل کی آئی میسج اور پیشہ ورانہ استعمال کے لیے زوم جیسے متبادل نے اسکائیپ کی جگہ لے لی، جس کے باعث اس ایپ کا استعمال کم ہوتا گیا۔اب اسکائیپ کی مالک کمپنی مائیکرو سافٹ کا کہنا ہے کہ وہ اس سروس کو بند کرنے جا رہی ہے۔ کمپنی کے مطابق، صارفین اپنا ڈیٹا ایکسپورٹ کر کے لے جا سکتے ہیں یا مائیکرو سافٹ کے ٹیمز میں منتقل کر سکتے ہیں، جس میں کئی چیٹ اور کالنگ فیچرز موجود ہیں۔مائیکرو سافٹ ٹیمز پر ایک مائیگریشن سروس شروع کرے گا تاکہ صارفین گروپ چیٹس اور اس جیسے دیگر ڈیٹا کو منتقل کر سکیں۔
مائیکرو سافٹ کمپنی کونسی اہم سروس بند کرنے جارہی ہے؟
1
