ناقص کارکردگی، پاکستانی کھلاڑیوں کی رینکنگ میں نمایاں تنزلی

لاہور( سپورٹس ڈیسک)چیمپئنز ٹرافی 2025 میں پاکستان کی مایوس کن کارکردگی کے بعد آئی سی سی کی تازہ ترین رینکنگ میں قومی کھلاڑیوں کو شدید نقصان اٹھانا پڑا ہے۔ کئی اہم کھلاڑیوں کی درجہ بندی میں نمایاں تنزلی دیکھنے میں آئی ہے۔فخر زمان: اوپنر فخر زمان تین درجے تنزلی کے بعد 621 پوائنٹس کے ساتھ 17ویں نمبر پر پہنچ گئے ہیں۔محمد رضوان: پاکستان کے وائٹ بال کپتان محمد رضوان جو نیوزی لینڈ کے خلاف صرف 3 اور بھارت کے خلاف 46 رنز بنا سکے، 16ویں سے 20ویں نمبر پر چلے گئے ہیں اور ان کے پوائنٹس 616 رہ گئے ہیں۔امام الحق: امام الحق جنہوں نے بھارت کے خلاف اپنے کم بیک میچ میں صرف 10 رنز بنائے، 582 پوائنٹس کے ساتھ 32ویں نمبر پر برقرار ہیں۔صائم ایوب: اوپنر صائم ایوب جو جنوبی افریقہ کے خلاف ٹیسٹ سیریز میں انجری کے بعد ایکشن سے باہر ہیں آٹھ درجے نیچے آ کر 35ویں نمبر پر پہنچ گئے ہیں، ان کے پوائنٹس 572 ہیں۔سلمان علی آغا: نائب کپتان سلمان علی آغا 46 ویں نمبر پر موجود ہیں، ان کے 544 پوائنٹس ہیں۔ویرات کوہلی کی ٹاپ فائیو میں واپسیبھارت کے اسٹار بلے باز ویرات کوہلی نے پاکستان کے خلاف دبئی میں 51ویں سنچری اسکور کرنے کے بعد ایک درجہ ترقی کے ساتھ پانچویں نمبر پر جگہ بنا لی ہے۔ بھارت کی بیٹنگ رینکنگ پر گرفت مضبوط ہے، جہاں شبمن گل پہلی اور روہت شرما تیسری پوزیشن پر برقرار ہیں۔ پاکستان کے سابق کپتان بابر اعظم دوسری پوزیشن پر موجود ہیں۔دیگر نمایاں کھلاڑیوں کی رینکنگنیوزی لینڈ کے ویل ینگ آٹھ درجے ترقی کے ساتھ 14ویں نمبر پر۔انگلینڈ کے بین ڈکٹ 27 درجے اوپر آ کر 17 ویں نمبر پر۔راچن رویندرا 18 درجے بہتری کے ساتھ 24ویں نمبر پر شامل ہیں۔بولنگ رینکنگ میں پاکستانی کھلاڑیوں کی تنزلیشاہین شاہ آفریدی: پاکستان کے فاسٹ بولر شاہین شاہ آفریدی، جو چیمپئنز ٹرافی میں متاثر کن کارکردگی نہ دکھا سکے، پانچ درجے تنزلی کے بعد چوتھے سے نویں نمبر پر چلے گئے ہیں، ان کے پوائنٹس 619 ہیں۔حارث رف: دائیں ہاتھ کے فاسٹ بولر حارث رف چھ درجے نیچے جا کر 22 ویں نمبر پر پہنچ گئے، ان کے پوائنٹس 553 ہیں۔نسیم شاہ: دوسری جانب نسیم شاہ نے دو درجے ترقی کے بعد 42 ویں پوزیشن حاصل کر لی، ان کے پوائنٹس 491 ہیں۔ابرار احمد: لیگ اسپنر ابرار احمد 26 درجے ترقی کے بعد 49 ویں نمبر پر پہنچ گئے ہیں۔دیگر بولرز کی کارکردگیسری لنکن اسپنر مہیش تھیکشانا جو چیمپئنز ٹرافی میں شریک نہیں بدستور نمبر ون بولر ہیں، جبکہ افغانستان کے راشد خان دوسرے نمبر پر برقرار ہیں۔جنوبی افریقا کے کیشو مہاراج ایک درجہ ترقی کے بعد چوتھے، نیوزی لینڈ کے میٹ ہنری دو درجے اوپر جا کر چھٹے اور آسٹریلیا کے ایڈم زیمپا دو درجے ترقی کے بعد 10ویں نمبر پر آ گئے ہیں۔جنوبی افریقی پیسر کاگیسو ربادا چار درجے اوپر آ کر 16ویں، جبکہ نیوزی لینڈ کے مائیکل بریسویل 31 درجے بہتری کے بعد 26 ویں نمبر پر پہنچ گئے ہیں۔