2
پشاور( اباسین خبر)خیبر پختونخوا میں رمضان المبارک کے دوران گوشت کی فروخت کا ہفتہ وار ناغہ ختم کر دیا گیا ہے۔ محکمہ خوراک کی جانب سے جاری اعلامیے میں کہا گیا کہ پہلے منگل اور بدھ کو گوشت کا ناغہ ہوتا تھا، لیکن رمضان کے مقدس مہینے کی مناسبت سے اس ناغے کو ختم کر دیا گیا ہے تاکہ عوام کو گوشت کی فراہمی میں کوئی مشکل نہ ہو۔اس دوران، رویت ہلال کمیٹی نے رمضان المبارک کے چاند کا فیصلہ کرنے کے لیے 28 فروری کی شام پشاور میں اجلاس طلب کیا ہے، اور ماہرین فلکیات کا کہنا ہے کہ پاکستان میں رمضان کا چاند یکم مارچ کو نظر آ سکتا ہے۔ اس تبدیلی کے نتیجے میں شہریوں کو رمضان میں گوشت کی دستیابی مزید آسان ہوگی۔
