2
اسلام آباد( اباسین خبر)انسداد دہشت گردی نے پی ٹی آئی کے 26 نومبر کے احتجاج پر درج مقدمات میں گرفتاری کے معاملے پر 164 پی ٹی آئی کارکنان کی روبکاریں جاری کر دیں۔139 کارکنان کے خلاف دہشت گردی کی دفعات کے تحت مقدمات درج تھے، جبکہ 25 کارکنان کیخلاف دفعہ 144 کی خلاف ورزی اور دیگر دفعات کے تحت مقدمات درج کیے گئے تھے۔ پی ٹی آئی کے 120 سے زائد کارکنان کی ضمانتیں اسلام آباد ہائیکورٹ کے ذریعے منظور کی گئی تھیں۔اڈیالہ جیل میں گرفتار کارکنان کی آج ہی رہائی کا امکان ہے، جبکہ اٹک اور جہلم جیل میں قید کارکنان کی رہائی 1 سے 2 روز میں متوقع ہے۔ پی ٹی آئی کارکنان کے خلاف مختلف تھانوں میں 12 سے زائد مقدمات درج ہیں۔
