ہمیش ریشمیا باتھ روم کے آئینے میں گھنٹوں خود کو دیکھتے ہیں، اہلیہ سونیا کا انکشاف

ممبئی( شوبز ڈیسک)بالی ووڈ اداکار و گلوکار ہمیش ریشمیا کی اہلیہ سونیا کپور نے اپنے شوہر کی باتھ روم میں عجیب و غریب عادت کا انکشاف کرتے ہوئے کہا کہ وہ آئینے میں خود کو گھنٹوں دیکھتے ہیں۔اس پر ہمیش نے جواب دیتے ہوئے کہا، “تم کیا کہہ رہی ہو؟ تمہیں اگر اپنے شو کی ٹی آر پی لینی ہے تو تم میرے نام پر لے رہی ہو۔”یہ دلچسپ مکالمہ اس وقت ہوا جب ہمیش نے اپنی اہلیہ سونیا کپور کے پوڈکاسٹ کا افتتاح کیا اور دونوں نے ایک دوسرے سے گفتگو کی۔ اس دوران دونوں نے اپنی ذاتی زندگیوں کی جھلک پیش کی۔گفتگو نے ایک مزاحیہ موڑ اس وقت لیا جب سونیا نے ہمیش کے عجیب و غریب جنون کا ذکر کیا اور چھیڑتے ہوئے کہا کہ وہ تیار ہونے میں گھنٹوں لگاتے ہیں۔ سونیا نے مزید کہا کہ وہ صبح 9 بجے کی فلائٹ کے لیے تیار ہونے کے لیے رات 3 بجے اٹھتے ہیں۔ہمیش نے کہا کہ وہ تیار ہونے کے لیے اپنا زیادہ وقت استعمال کرتے ہیں کیونکہ وہ جلد بازی نہیں کرنا چاہتے۔واضح رہے کہ سونیا اور ہمیش کی شادی 2018 میں ہوئی تھی، جب ہمیش کی پہلی بیوی کومل سے طلاق ہو گئی تھی۔