1
لاہور( اباسین خبر)لاہور ہائیکورٹ نے پاکستان تحریک انصاف کی 22 مارچ کو مینار پاکستان پر جلسے کی اجازت کی درخواست خارج کر دی۔یہ درخواست پی ٹی آئی کے رہنما اکمل باری کی جانب سے دائر کی گئی تھی۔ درخواست میں مقف اپنایا گیا تھا کہ پی ٹی آئی آئین اور قانون کے مطابق مینار پاکستان میں جلسہ کرنا چاہتی ہے، لیکن انتظامیہ نے جلسے کی اجازت کی درخواست کا کوئی جواب نہیں دیا۔لاہور ہائیکورٹ کے رجسٹرار آفس نے درخواست متعلقہ کمیٹی کے سامنے دائر نہ کرنے پر اعتراض عائد کیا تھا، جس پر عدالت نے رجسٹرار آفس کا اعتراض برقرار رکھتے ہوئے درخواست خارج کر دی۔ عدالت نے درخواست گزار کو ریڈرسل کمیٹی سے رجوع کرنے کی ہدایت کرتے ہوئے کہا کہ اگر کمیٹی فیصلہ نہ کرے تو آپ عدالت سے دوبارہ رجوع کر سکتے ہیں۔
