1
کراچی ( اباسین خبر)کراچی کے علاقے کلفٹن بلاک 2 سے ایک شخص کی لاش ملی ہے۔پولیس حکام کے مطابق 40 سال کا متوفی کل رات سے غائب تھا اور اسٹیٹ ایجنسی کا کام کرتا تھا۔ پولیس کے مطابق اس کی موبائل، بٹوا اور گھڑی لاش کے ساتھ موجود تھے جبکہ تشدد کے کوئی نشانات نہیں پائے گئے۔ابتدائی تفتیش سے متعلق پولیس کا کہنا ہے کہ یہ معلوم ہوتا ہے کہ لاش کو گاڑی میں لا کر جھاڑیوں میں چھپایا گیا تھا۔ پولیس نے بتایا کہ پوسٹ مارٹم کے بعد ہی موت کی اصل وجہ کا تعین کیا جا سکے گا۔
