آئی فون 16 سیریز کا سب سے سستا ماڈل لانچ

کراچی ( مانیٹرنگ ڈیسک)نیا آئی فون خریدنے کے شوقین افراد کے لیے خوشخبری ہے کہ ایپل نے آئی فون 16 سیریز کا سب سے سستا ماڈل “آئی فون 16 ای” لانچ کر دیا ہے۔ یہ فون سفید اور سیاہ رنگوں میں 28 فروری سے مختلف ممالک میں دستیاب ہو گا، جس کی قیمت 599 ڈالرز سے شروع ہو گی۔نیا ڈیزائن اور فیچرز: ایپل نے نئے فون میں جدید ڈیزائن اور اپ ڈیٹڈ فیچرز کا وعدہ کیا ہے۔ آئی فون 16 ای کا ڈیزائن آئی فون 16 کے جیسا ہی ہے۔ فون میں 48 میگا پکسلز کا کیمرا اور 6.1 انچ کا او ایل ای ڈی ڈسپلے دیا گیا ہے۔بیٹری اور پرفارمنس: ایپل کا دعوی ہے کہ یہ بیٹری لائف کے لحاظ سے اب تک کا سب سے بہترین آئی فون ہے، جو کہ سنگل چارج پر دیگر ماڈلز کے مقابلے میں 6 گھنٹے زیادہ چلتا ہے۔آئی او ایس 18 اور جدید فیچرز: یہ فون آئی او ایس 18 سے لیس ہے اور صارفین کو جدید اے آئی فیچرز دستیاب ہوں گے۔ سائیڈ پر ایک ایکشن بٹن بھی دیا گیا ہے، تاہم یہ کیمرا کنٹرول کے لیے استعمال نہیں کیا جا سکتا۔ایمرجنسی اور دیگر فیچرز: یہ ایپل کا پہلا فون ہے جس میں کمپنی کا خود تیار کردہ موڈیم استعمال کیا گیا ہے۔ اس میں ایمرجنسی ایس او ایس، روڈ سائیڈ اسسٹنٹس، میسجز، اور سیٹلائٹ کے ذریعے فائنڈ مائی فون جیسے فیچرز بھی موجود ہیں۔سوشل میڈیا پر تبصرے: آئی فون 16 ای کی متعارف کرانے کے بعد سوشل میڈیا پر صارفین کے دلچسپ تبصرے دیکھنے کو مل رہے ہیں، جن میں سے بعض صارفین سیمسنگ ایس 25 کو ترجیح دینے کی بات کر رہے ہیں، جبکہ کچھ صارفین اسے اپریل فول کا مذاق سمجھتے ہیں۔ایپل کی یہ نئی پیشکش قیمت کے لحاظ سے سستا ترین آئی فون ہو سکتا ہے، تاہم فیچرز کی بنا پر یہ یقینی طور پر مارکیٹ میں نئی بحث کا باعث بنے گا۔