3
کراچی( اباسین خبر)کراچی ایئرپورٹ پر امیگریشن حکام نے 24 گھنٹوں کے دوران ترکیہ، رومانیہ، سنگاپور، سعودی عرب سمیت 13 ملکوں کے 36 مسافروں کو مختلف وجوہات کی بنا پر پروازوں سے آف لوڈ کر دیا۔امیگریشن ذرائع کے مطابق، 13 عمرہ زائرین کو سعودی عرب جاتے ہوئے ایڈوانس ہوٹل بکنگ اور اخراجات کے لیے مناسب رقم نہ ہونے پر روکا گیا۔ایران، تھائی لینڈ، ترکیہ، سنگاپور، جارجیا، صومالی لینڈ، متحدہ عرب امارات اور فجی کے 11 مسافروں کو وزٹ ویزے پر پروازوں سے اتارا گیا۔یونان کے رہائشی کارڈ کے حامل مسافر کو بھی آف لوڈ کیا گیا۔ سعودی عرب، جنوبی افریقا، تنزانیہ اور رومانیہ کے ورک ویزا کے 7 مسافروں کو مختلف دستاویزات مکمل نہ ہونے پر آف لوڈ کیا گیا۔
