کراچی: ماڈل کالونی میں سرچ آپریشن، بائیومیٹرک ڈیوائس سے چیکنگ

کراچی( اباسین خبر)کراچی میں ماڈل کالونی کے مختلف علاقوں میں پولیس نے جرائم پیشہ افراد کی تلاش میں سرچ آپریشن کیا۔پولیس حکام کے مطابق یہ آپریشن لاسی پاڑہ، جوکھیو گوٹھ، اور مہران ڈپو کے علاقوں میں کیا گیا۔ آپریشن کے دوران گھروں کے ساتھ ساتھ ہوٹلوں اور دکانوں پر موجود افراد کو بھی چیک کیا گیا، تاہم کسی کی گرفتاری عمل میں نہیں آئی۔پولیس حکام نے بتایا کہ مشتبہ افراد کو بائیو میٹرک ڈیوائس کے ذریعے بھی چیک کیا گیا۔