لاہور( اباسین خبر)وزیر اطلاعات پنجاب عظمی بخاری نے کہا ہے کہ بعض لوگ سیاستدانوں کے روپ میں سازشیں کر رہے ہیں۔لاہور میں پریس کانفرنس کرتے ہوئے عظمی بخاری نے کہا کہ وزیراعلی پنجاب مریم نواز نے 26 فروری کو عہدے کا حلف اٹھایا تھا اور مسلم لیگ ن نے اپنے پہلے سال میں کامیابی کے جھنڈے گاڑے۔ انہوں نے کہا کہ پنجاب حکومت نے اپنے پہلے سال میں کارکردگی کا مظاہرہ کیا ہے اور وزیراعلی کا فلیگ شپ پروگرام “ستھرا پنجاب” عوام کے دلوں میں جگہ بنا چکا ہے۔عظمی بخاری نے ناقدین کو چیلنج کیا کہ وہ کارکردگی کا مقابلہ کریں اور کہا کہ پاکستان کو گالی گلوچ یا دوسرے صوبوں پر حملے کی ضرورت نہیں ہے۔ انہوں نے کہا کہ مخالفین وزیراعلی مریم نواز پر ذاتی حملے کرتے ہیں، جو تربیت کی کمی کا نتیجہ ہیں۔وزیر اطلاعات نے مزید کہا کہ نارووال میں کوئی سیاسی جلسہ نہیں تھا، صرف سڑکوں کا افتتاح تھا جو جلسے کی شکل اختیار کر گیا۔ انہوں نے کہا کہ کچھ لوگ مسلم لیگ ن کو ختم کرنے کی بات کرتے تھے، مگر عوام میں پارٹی کی موجودگی ثابت ہو چکی ہے۔صوبائی وزیر ذیشان رفیق نے کہا کہ وزیراعلی مریم نواز کی ہدایت پر پنجاب کے تمام شہروں اور دیہاتوں میں صفائی کا کام شروع کر دیا گیا ہے۔ 154 تحصیلوں میں سے 140 تحصیلوں کو آٹ سورس کر دیا گیا ہے اور 14 تحصیلوں میں ویسٹ مینجمنٹ کمپنی خود کام کر رہی ہے۔ انہوں نے بتایا کہ “ستھرا پنجاب” کے تحت 91 ہزار سے زائد نوکریاں فراہم کی جا چکی ہیں۔
بہت سے لوگ سیاستدانوں کے روپ میں سازش کر رہے ہیں: عظمیٰ بخاری
4