6
لاہور( سپورٹس ڈیسک)آئی سی سی چیمپئینز ٹرافی 2025 کے کپتانوں کے اینیمیٹڈ پرومو نے کرکٹ کی دنیا میں تہلکہ مچا دیا ہے۔انٹرنیشنل کرکٹ کونسل (آئی سی سی) نے میگا ایونٹ میں حصہ لینے والی تمام ٹیموں کے کپتانوں کا ایک نیا اینیمیٹڈ پرومو جاری کیا ہے۔آئی سی سی نے اپنے تمام سوشل میڈیا ہینڈلز پر ایک ویڈیو شیئر کی جس میں مختلف ٹیموں کے کپتانوں کو منفرد اینیمیٹڈ انداز میں دکھایا گیا ہے، جس نے دیکھنے والوں کو حیران کن حد تک متاثر کیا۔ویڈیو میں قومی کرکٹ ٹیم کے کپتان محمد رضوان اور دیگر کپتانوں کو ان کے پسندیدہ شاٹس کھیلتے ہوئے دکھایا گیا ہے۔ آئی سی سی نے اس پوسٹ کے کیپشن میں لکھا ہے کہ “سٹیج سج چکا ہے اور تمام کپتان تیار ہیں”۔
