صائم ایوب کے ساتھ تعلقات؟ کشف علی کا طنزیہ ردعمل سامنے آگیا

کراچی ( شو بز ڈیسک)پاکستانی ماڈل، اداکارہ اور سوشل میڈیا انفلوئنسر کشف علی نے کرکٹر صائم ایوب کے ساتھ وائرل ہونے والی ویڈیو پر سوشل میڈیا پر چلنے والی افواہوں کو بے بنیاد قرار دیتے ہوئے ان پر ردعمل دیا ہے۔ کشف علی نے اپنی انسٹاگرام اسٹوریز کے ذریعے مداحوں کو پیغام دیا کہ “ہمارے ملک میں بے شمار اہم مسائل ہیں جن پر بات ہونی چاہیے، مگر میڈیا اور عوام دونوں غیر ضروری باتوں میں دلچسپی لیتے ہیں۔”کشف علی نے مزید کہا کہ “ایک عام سی ویڈیو کو بہت بڑا مسئلہ بنا دیا گیا ہے۔ ویڈیو میں موجود شخص کو آپ نہیں جانتے، جیسے آپ مجھے بھی نہیں جانتے۔ یہ صورتحال میرے لیے مضحکہ خیز ہے، لیکن میں کچھ نہیں کر سکتی، کیونکہ یہ ہمارے ملک کا نظام اور لوگوں کی عادت بن چکی ہے۔”یہ ویڈیو مغربی لندن میں کشف علی اور پاکستانی کرکٹر صائم ایوب کے ساتھ دکھائی دی تھی، جس کے بعد سوشل میڈیا پر دونوں کے تعلقات کے بارے میں افواہیں پھیل گئیں۔ ویڈیو میں دونوں کو بولنگ کرتے، باتیں کرتے اور سیلفیاں لیتے ہوئے دیکھا جا سکتا ہے، جس سے مداحوں میں تجسس پیدا ہو گیا۔22 سالہ صائم ایوب، جو اس وقت لندن میں اپنے ٹخنے کی انجری کے علاج کے مراحل سے گزر رہے ہیں، اس ویڈیو کے بعد سوشل میڈیا پر کشف علی کے ساتھ تعلقات کے بارے میں قیاس آرائیاں شروع ہو گئیں۔ کشف علی کی اسنیپ چیٹ اسٹوریز میں شیئر کی گئی ویڈیوز نے ان افواہوں کو مزید ہوا دی، لیکن کشف علی نے ان سب کو مسترد کرتے ہوئے اسے ایک اتفاقی ملاقات قرار دیا اور کہا کہ اسے بڑھا چڑھا کر پیش کیا جا رہا ہے۔اس سے قبل بھی صائم ایوب اس وقت خبروں میں آئے تھے جب انہوں نے لندن میں ایک چیریٹی ایونٹ کے دوران خاتون صحافی سفینہ خان کو نظر انداز کر دیا تھا، جس پر سوشل میڈیا پر انہیں تنقید کا سامنا کرنا پڑا تھا۔فی الحال، صائم ایوب اور کشف علی کے درمیان تعلقات کے بارے میں کوئی باضابطہ تصدیق نہیں ہوئی ہے، تاہم کشف علی نے سوشل میڈیا پر ان افواہوں کی تردید کرتے ہوئے کہا کہ یہ صرف ایک معمولی ویڈیو تھی جسے غیر ضروری طور پر بڑھا چڑھا کر پیش کیا جا رہا ہے۔