انٹر بینک: ڈالر 279 روپے 35 پیسے کا ہو گیا

کراچی ( کامرس ڈیسک)آج انٹر بینک مارکیٹ میں امریکی ڈالر 8 پیسے مہنگا ہو کر 279 روپے 35 پیسے کا ہو گیا۔ گزشتہ روز کاروبار کے اختتام پر ڈالر کی قیمت 279 روپے 27 پیسے تھی۔دوسری جانب پاکستان اسٹاک ایکسچینج میں کاروبار کا آغاز مثبت رہا اور 100 انڈیکس میں 62 پوائنٹس کا اضافہ ہوا، جس سے انڈیکس 1 لاکھ 11 ہزار 805 پوائنٹس پر پہنچ گیا۔ انڈیکس کاروبار کے دوران 1 لاکھ 12 ہزار 156 پوائنٹس کی بلند ترین سطح تک پہنچا۔ گزشتہ روز کاروبار کے اختتام پر انڈیکس 1 لاکھ 11 ہزار 743 پوائنٹس پر بند ہوا تھا۔