حکومت بلوچستان کا تحصیل شاہرگ ٹاکری میں روڑ سے متصل دہشت گردی کے واقعہ کی مذمت

ہرنائی( اباسین خبر)بلوچستان حکومت نے تحصیل شاہرگ ٹاکری میں روڈ کے قریب دہشت گردی کے واقعہ کی شدید مذمت کی ہے۔ ترجمان حکومت بلوچستان شاہد رند نے مزدوروں کی شہادت اور زخمی ہونے پر افسوس کا اظہار کیا اور کہا کہ واقعہ کی تحقیقات کا حکم دے دیا گیا ہے۔قانون نافذ کرنے والے ادارے جائے وقوعہ پر پہنچ چکے ہیں اور شواہد اکٹھے کیے جا رہے ہیں۔ ابتدائی تحقیقات سے معلوم ہوتا ہے کہ دھماکہ خیز مواد روڈ کے کنارے نصب تھا۔ زخمی مزدوروں کو شاہرگ اسپتال میں علاج فراہم کیا جا رہا ہے۔