سندھ، پشاور اور بلوچستان ہائیکورٹس کے قائم مقام چیف جسٹسز نے حلف اٹھا لیا

کراچی( اباسین خبر)سندھ، پشاور اور بلوچستان ہائیکورٹس کے قائم مقام چیف جسٹسز نے حلف اٹھا لیا۔گورنر ہاس کراچی میں حلف برداری کی تقریب منعقد ہوئی جہاں گورنر سندھ کامران ٹیسوری نے قائم مقام چیف جسٹس محمد جنید غفار سے حلف لیا۔ تقریب میں سندھ ہائی کورٹ کے ججز جسٹس ظفر راجپوت، جسٹس ظفر اقبال، جسٹس یوسف سید، جسٹس امجد سہتو، آئینی بنچ کے سربراہ جسٹس آغا فیصل، جسٹس ثنا اکرم منہاس بھی شریک ہوئے۔جسٹس جنید غفار 14 ستمبر 1963 کو پیدا ہوئے، 1990 میں وکالت کی ڈگری حاصل کی اور 2013 میں سندھ ہائیکورٹ کے ایڈیشنل جج کے طور پر تعینات ہوئے۔ وہ سندھ ہائیکورٹ میں سنیارٹی لسٹ میں پہلے نمبر پر ہیں۔