صوابی جلسہ میں توقعات کے مطابق لوگ آئے، نمبر گنوانے کی ضرورت نہیں: جنید اکبر

پشاور( اباسین خبر)پی ٹی آئی خیبرپختونخوا کے صدر جنید اکبر خان نے کہا ہے کہ صوابی جلسے میں توقعات کے مطابق لوگ آئے، ہمیں نمبر گنوانے کی ضرورت نہیں۔پشاور ہائیکورٹ میں میڈیا سے گفتگو کرتے ہوئے جنید اکبر خان کا کہنا تھا کہ وہ صوابی کے جلسے سے مطمئن ہیں اور کسی کو نمبر گنوانے کی ضرورت نہیں۔ سوشل میڈیا کے دور میں سب نے دیکھ لیا کہ جلسے میں کتنے لوگ موجود تھے۔انہوں نے مزید کہا کہ جو لوگ فنڈز کی کمی کا رونا روتے ہیں، انہیں دکان کھولنی چاہیے، کیونکہ نہ ہی پہلے کسی کو گاڑیاں دی گئی ہیں اور نہ ہی آئندہ دی جائیں گی۔ جنید اکبر خان نے کہا کہ سزا و جزا کا اختیار ان کے پاس نہیں، تاہم آئندہ وہ ایسے لوگوں کا راستہ روکیں گے جو محنت نہیں کرتے۔