سنگا پور اوپن ٹینس ٹورنامنٹ: برطانوی کھلاڑی ایماراڈوکانو کا ابتدائی راؤنڈ میں سفر تمام

سنگاپور(سپورٹس ڈیسک)برطانوی ٹینس سٹار ایما راڈو کانو سنگاپور اوپن ٹینس ٹورنامنٹ کے ابتدائی رانڈ میں شکست کھا کر ایونٹ سے باہر ہوگئیں۔سپین کی 27 سالہ ٹینس سٹار کرسٹینا بکسا نے شاندار کھیل پیش کرتے ہوئے خواتین کے سنگلز مقابلوں کے ابتدائی رانڈ میں ایما راڈو کانو کو شکست دے کر دوسرے رانڈ کے لئے کوالیفائی کیا۔سنگاپور اوپن ٹینس ٹورنامنٹ کے دلچسپ اور کانٹے دار مقابلے سنگاپور کے کالنگ ٹینس سنٹر میں جاری ہیں، جہاں شائقین کو بہترین ٹینس کے مقابلے دیکھنے کو مل رہے ہیں۔خواتین کے سنگلز مقابلوں میں، کرسٹینا بکسا نے برطانوی حریف ایما راڈو کانو کو 7-5، 5-7 اور 5-7 سے شکست دے کر نہ صرف ایونٹ سے باہر کر دیا بلکہ ٹورنامنٹ کا فاتحانہ آغاز کرتے ہوئے دوسرے رانڈ کے لئے کوالیفائی کرلیا۔