بلوچستان کے بیشتر علاقوں میں شدید سردی؛ درجہ حرارت منفی 4 ڈگری ریکارڈ

کو ئٹہ ( اباسین خبر)بلوچستان کے بیشتر علاقوں میں شدید سردی کی لہر جاری ہے اور مختلف مقامات پر درجہ حرارت منفی 4 ڈگری تک ریکارڈ کیا گیا ہے۔ محکمہ موسمیات کے مطابق صوبے کے کئی اضلاع میں موسم سرد اور خشک رہے گا، جبکہ شمالی اضلاع میں شدید سردی کا امکان ہے اور مطلع جزوی طور پر ابر آلود رہنے کی پیش گوئی کی گئی ہے۔صوبائی دارالحکومت کوئٹہ میں کم سے کم درجہ حرارت منفی 3 ڈگری سینٹی گریڈ ریکارڈ کیا گیا، جبکہ زیارت میں منفی 4، قلات میں منفی 1، ژوب میں منفی 1، سبی میں 10 اور تربت میں 13 ڈگری سینٹی گریڈ تک درجہ حرارت ریکارڈ کیا گیا۔ گوادر اور جیوانی میں درجہ حرارت 10 اور 12 ڈگری سینٹی گریڈ ریکارڈ ہوا ہے۔ اس سردی کے باعث علاقے کے لوگ سخت مشکلات کا سامنا کر رہے ہیں۔