حریم سہیل کی مایوں کی تصاویر وائرل، مداحوں کا نیک خواہشات کا اظہار

لاہور( شوبز ڈیسک)شوبز انڈسٹری کی معروف اداکارہ حریم سہیل کی مایوں کی تصاویر اور ویڈیوز سوشل میڈیا پر وائرل ہوگئیں، جس پر مداحوں نے انہیں نیک خواہشات پیش کیں۔اداکارہ حریم سہیل نے فوٹو اور ویڈیو شیئرنگ ایپ انسٹاگرام پر اپنی مایوں کی تصاویر اور ویڈیوز شیئر کیں، جو بہت جلد سوشل میڈیا کے مختلف پلیٹ فارمز پر پھیل گئیں۔ حریم کی مایوں کی تقریب گزشتہ روز ہوئی، جس میں ان کے قریبی عزیز و اقارب نے شرکت کی۔شیئر کی گئی تصاویر اور ویڈیوز میں دیکھا جا سکتا ہے کہ سجاوٹ زرد رنگ سے کی گئی تھی اور حریم نے بھی اس رنگ کے مطابق لباس زیب تن کیا تھا۔ مایوں کی تصاویر وائرل ہونے کے بعد حریم سہیل کو ان کے ساتھی فنکاروں کی جانب سے مبارکباد کے پیغامات ملنے کا سلسلہ جاری ہے۔واضح رہے کہ حریم سہیل نے مختلف ڈراموں میں شاندار اداکاری کا مظاہرہ کیا ہے اور وہ سینئر اداکارہ بینا چودھری کی صاحبزادی ہیں۔