وزارتِ مذہبی امور نے حتمی حج پیکج کا اعلان کر دیا

اسلام آباد( اباسین خبر)وزارتِ مذہبی امور نے حج 2025 کے حتمی پیکج کا اعلان کردیا ہے۔وزارت کے ترجمان کے مطابق، لانگ حج پیکج کی قیمت 10 لاکھ 75 ہزار روپے مقرر کی گئی ہے، جبکہ شارٹ حج پیکج 11 لاکھ 50 ہزار روپے کا ہوگا۔ترجمان نے مزید کہا کہ حج واجبات کی تیسری قسط یکم تا 10 فروری وصول کی جائے گی۔انہوں نے بتایا کہ سرکاری حج اسکیم میں محدود نشستیں باقی ہیں، اور نئی درخواستوں کی وصولی 30 جنوری تک پہلے آئیے پہلے پائیے کی بنیاد پر کی جائے گی۔ شارٹ حج کی بکنگ مکمل ہوچکی ہے، اور خالی نشستوں پر صرف لانگ حج پیکج کی بکنگ ہوگی۔ پرائیویٹ عازمین حج کی بکنگ 31 جنوری تک جاری رہے گی۔