3
کراچی( کامرس ڈیسک)یوٹیلیٹی سٹورز کارپوریشن نے چینی کی قیمت میں 5 روپے فی کلو کا اضافہ کر دیا۔ذرائع کے مطابق یوٹیلیٹی سٹورز پر چینی کی قیمت 140 روپے سے بڑھا کر 145 روپے فی کلو مقرر کر دی گئی ہے۔ قیمتوں میں اضافے کا فیصلہ اوپن مارکیٹ میں چینی کی قیمتوں میں اضافہ کے باعث کیا گیا، تاہم یوٹیلیٹی سٹورز پر چینی اب بھی اوپن مارکیٹ سے سستی ہے۔یاد رہے کہ گزشتہ ہفتے وفاقی کابینہ نے یوٹیلیٹی سٹورز کے آپریشنز بند کرنے سے متعلق کمیٹی تشکیل دی تھی، جس کی سربراہی وفاقی وزیر برائے صنعت و پیداوار کو سونپی گئی۔ کمیٹی کو ایک ہفتے کے اندر اپنی رپورٹ پیش کرنے کی ہدایت کی گئی ہے۔
