قومی ایئرلائن پاکستان ٹریول مارٹ 2025ء میں شرکت کریگی: سی ای او پی آئی اے

اسلام آباد( کامرس ڈیسک)پاکستان انٹرنیشنل ایئر لائن (پی آئی اے) پاکستان ٹریول مارٹ 2025 میں شرکت کرے گی۔پاکستان انٹرنیشنل ایئر لائن کے چیف ایگزیکٹو افسر ایئر وائس مارشل عامر حیات نے اپنے ویڈیو پیغام میں بتایا کہ یہ ایونٹ 31 جنوری سے 2 فروری 2025 تک ایکسپو سینٹر کراچی میں منعقد ہوگا۔ پی آئی اے اس دوران اپنی خدمات کی نمائش کرے گی۔انہوں نے صارفین سے اپیل کی کہ وہ اس شاندار تقریب میں شرکت کریں، ہماری خدمات کا مشاہدہ کریں اور دیکھیں کہ ہم کس طرح اپنے سفری تجربات کو بہتر بنا رہے ہیں اور پاکستان کو دنیا کے ساتھ جوڑ رہے ہیں۔