1
کوئٹہ( اباسین خبر)سپین کاریز کے علاقے سنجدی میں کوئلے کی کان میں گیس بھر جانے کے باعث دھماکہ ہو گیا۔چیف مائنز انسپکٹر کے مطابق، دھماکے کے نتیجے میں کان بیٹھ گئی اور 12 کان کن کان میں پھنس گئے۔ یہ دھماکہ گزشتہ رات پیش آیا۔انہوں نے مزید بتایا کہ کان میں پھنسے کانکنوں کو نکالنے کے لیے ریسکیو آپریشن جاری ہے، تاہم اندھیرے کے باعث آپریشن میں مشکلات کا سامنا رہا۔ ریسکیو ٹیموں نے کانکنوں تک پہنچنے کے لیے راستہ بنا لیا ہے اور ٹیمیں کانکنوں کو نکالنے کے لیے مصروف عمل ہیں۔
