سوات وگردونواح میں زلزلے کے جھٹکے، شدت 4.1 ریکارڈ

سوات( اباسین خبر)خیبرپختونخوا کے ضلع سوات و گردونواح میں زلزلے کے جھٹکے محسوس کیے گئے۔زلزلہ پیما مرکز کے مطابق، زلزلے کی شدت ریکٹر سکیل پر 4.1 ریکارڈ کی گئی، جبکہ اس کی گہرائی 199 میٹر تھی۔ زلزلے کا مرکز افغانستان اور تاجکستان کے سرحدی علاقے میں تھا۔زلزلے کے خوف سے لوگ کلمہ طیبہ کا ورد کرتے ہوئے گھروں سے باہر نکل آئے، تاہم زلزلے کے نتیجے میں کسی جانی یا مالی نقصان کی اطلاع موصول نہیں ہوئی۔