شاہین کا بی پی ایل میں ’فارچیون باریشال‘ کے ساتھ معاہدہ طے

لاہور( سپورٹس ڈیسک) شاہین آفریدی بنگلا دیش پریمیئر لیگ میں ‘فارچیون باریشال’ کی نمائندگی کریں گیپاکستان کے فاسٹ بالر شاہین شاہ آفریدی بنگلا دیش پریمیئر لیگ (بی پی ایل) میں ‘فارچیون باریشال’ کی نمائندگی کریں گے۔ بنگلہ دیشی اخبار کے مطابق، بی پی ایل کی دفاعی چیمپئن ٹیم نے شاہین کی باضابطہ دستیابی کا اعلان کیا ہے۔بی پی ایل کا آغاز 30 دسمبر سے ہوگا، اور اس میں 7 ٹیمیں شامل ہیں۔ یہ ایونٹ ایک مہینے سے زائد عرصے تک جاری رہے گا، جس میں عالمی سطح کے سٹار پلیئرز ایکشن میں نظر آئیں گے۔ ایونٹ کا پہلا میچ اور فائنل ڈھاکہ میں کھیلا جائے گا، جبکہ گروپ سٹیج کے میچز میرپور اور سلہٹ میں بھی ہوں گے۔شاہین آفریدی نے حال ہی میں ٹی 20 انٹرنیشنل کرکٹ میں 100 وکٹیں حاصل کرنے کا اعزاز حاصل کیا، اور وہ یہ کارنامہ ڈربن میں جنوبی افریقہ کے خلاف انجام دے چکے ہیں۔ وہ مینز ٹی 20 انٹرنیشنل کرکٹ میں 100 وکٹیں لینے والے تیسرے پاکستانی ہیں، اور تینوں فارمیٹس میں 100 وکٹیں حاصل کرنے والے پاکستان کے پہلے کرکٹر بن چکے ہیں۔