مایا علی کی گلابی جوڑے میں دلکش اداؤں پر مداح دل ہار بیٹھے

لاہور( شو بز ڈیسک)خوبرو پاکستانی اداکارہ مایا علی کی گلابی جوڑے میں دلکش ادائیں مداحوں کے دلوں کو جیت گئیں۔مایا علی پاکستان کی ٹاپ اداکاراں میں شمار ہوتی ہیں اور اپنی دلکش تصاویر اور منفرد سٹائل کی وجہ سے ہمیشہ خبروں میں رہتی ہیں۔ حال ہی میں اداکارہ نے فوٹو اینڈ ویڈیو شیئرنگ ایپ انسٹاگرام پر چند نئی تصاویر شیئر کیں، جو مداحوں کے دلوں پر بجلیاں گرا گئیں۔مذکورہ تصاویر میں مایا علی نے گلابی جوڑا زیب تن کر رکھا ہے، جس میں وہ انتہائی دلکش اور خوبصورت نظر آ رہی ہیں۔ گلابی جوڑے پر سنہری کڑھائی لباس کو مزید حسین بنا رہی ہے۔اس موقع پر اداکارہ نے بھاری جیولری کا بھی استعمال کیا ہے، جبکہ بالوں کو مہارت سے باندھ رکھا ہے اور سفید موتیے کے گجرے بھی نظر آ رہے ہیں۔ کلائیوں میں زرد چوڑیاں، گہرا میک اپ اور دلکش ادائیں مایا علی کے حسن کو چار چاند لگا رہی ہیں۔مایا علی کی اس تصویر میں ان کا دلکش انداز اور شرمیلا پن مداحوں کو بے حد پسند آ رہا ہے۔ تصویر پر محبت بھرے کمنٹس کا سلسلہ جاری ہے، جہاں صارفین ان کی خوبصورتی، معصومیت اور روایتی انداز کی دل کھول کر تعریف کر رہے ہیں۔