بلاول بھٹو زرداری کی کراچی اور ملیر بار کے نومنتخب عہدیداروں کو مبارکباد

کراچی( اباسین خبر) چیئرمین پاکستان پیپلزپارٹی بلاول بھٹو زرداری نے کراچی اور ملیر بار کے نومنتخب عہدیداروں کو مبارکباد پیش کی ہے۔کراچی بار ایسوسی ایشن اور ملیر بار ایسوسی ایشن کے انتخابات میں کامیاب امیدواروں کے نام تہنیتی پیغام میں بلاول بھٹو زرداری نے کراچی بار کے نو منتخب صدر عامر نواز وڑائچ اور جنرل سیکرٹری رحمان کورائی کو مبارکباد دی۔انہوں نے ملیر بار کے نومنتخب صدر ارشاد شر اور جنرل سیکرٹری ایاز چانڈیو کو بھی مبارکباد دی اور ان کیلئے نیک تمناوں کا اظہار کیا۔چیئرمین پیپلزپارٹی کا کہنا تھا کہ انہیں امید ہے کہ نومنتخب قیادت وکلا برادری کو مزید جمہوری اور مضبوط بنائے گی۔ بلاول بھٹو زرداری نے یہ بھی کہا کہ پیپلزپارٹی جمہوریت کی مضبوطی اور آئینی بالادستی کے تحفظ میں اپنا قائدانہ کردار ادا کرتی رہے گی۔