الیکشن کمیشن نے ووٹرز کے نئے اعداد و شمار جاری کر دیئے

اسلام آباد( اباسین خبر)الیکشن کمیشن آف پاکستان نے ملک بھر میں ووٹرز کے نئے اعداد و شمار جاری کر دیے ہیں۔الیکشن کمیشن کے مطابق ملک میں مجموعی طور پر 13 کروڑ 22 لاکھ 54 ہزار سے زائد ووٹ رجسٹرڈ ہیں۔ اسلام آباد میں 11 لاکھ 54 ہزار سے زائد ووٹ رجسٹرڈ ہیں۔اعداد و شمار کے مطابق بلوچستان میں 55 لاکھ سے زائد ووٹر رجسٹرڈ ہیں، جبکہ خیبر پختونخواہ میں 2 کروڑ 25 لاکھ سے زائد ووٹرز رجسٹرڈ ہیں۔الیکشن کمیشن کے مطابق پنجاب میں رجسٹرڈ ووٹ کی تعداد 7 کروڑ 53 لاکھ سے زائد ہے، اور سندھ میں 2 کروڑ 77 لاکھ سے زائد ووٹر رجسٹرڈ ہیں۔