بورے والا: گھر میں آتشزدگی سے دوبیٹے اور میاں بیوی جاں بحق

بورے والا( اباسین خبر)بورے والا کے علاقے عزیز آباد میں ایک افسوسناک واقعہ پیش آیا، جہاں گھر میں آتشزدگی کے نتیجے میں دو بیٹے اور میاں بیوی جھلس کر جاں بحق ہوگئے۔ریسکیو ذرائع کے مطابق، گیس سلنڈر کے باعث آگ بھڑک اٹھی، جس سے 24 سالہ دانش رضا اور 2 سالہ ایان عباس موقع پر ہی جاں بحق ہو گئے۔ آتشزدگی کے دوران دانش کی اہلیہ 22 سالہ ذکیہ عباس اور ان کا 6 ماہ کا بیٹا فرحان زخمی ہو گئے۔ ریسکیو اہلکاروں نے فوری طور پر لاشوں اور زخمیوں کو ہسپتال منتقل کیا، تاہم کچھ دیر بعد 6 ماہ کا بیٹا فرحان اور دانش کی اہلیہ ذکیہ بھی دم توڑ گئے۔ذرائع کے مطابق، کمرے میں گیس سلنڈر جلتا رہ گیا تھا جس کی وجہ سے پردوں کو آگ لگ گئی اور پھر پورا کمرہ آگ کی لپیٹ میں آ گیا۔