پنجاب کی فضا بدستورمضرصحت، لاہور آلودہ ترین شہروں میں آج بھی دوسرے نمبرپر

لاہور( اباسین خبر) لاہور اور ملک بھر میں سموگ میں کچھ کمی آئی ہے، تاہم صوبے کی فضا اب بھی مضر صحت ہے۔ بھارت کے شہر دہلی کا ایئر کوالٹی انڈیکس (اے کیو آئی) 480 کے ساتھ دنیا کا سب سے زیادہ آلودہ شہر ہے۔لاہور فضائی آلودگی میں آج بھی دنیا بھر میں دوسرے نمبر پر ہے، جہاں کا اے کیو آئی 339 ریکارڈ کیا گیا۔ امریکن قونصلیٹ کے علاقے کا ایئر کوالٹی انڈیکس 507 تک جا پہنچا، جب کہ مال روڈ کا اے کیو آئی 443 اور جوہر ٹان کا اے کیو آئی 402 ریکارڈ کیا گیا ہے۔ ملتان کا اے کیو آئی 326 ریکارڈ ہوا ہے۔سموگ کی شدت میں کمی کے باوجود لاہور سمیت پنجاب بھر میں تعلیمی ادارے کھل گئے ہیں۔ اسکولوں میں طلبہ اور اساتذہ کے لیے ماسک پہننا لازمی قرار دیا گیا ہے، اور بیرونی کھیلوں اور دیگر سرگرمیوں پر مکمل پابندی عائد کر دی گئی ہے۔